სადაზღვევო კომპანია ალდაგი ბისიაიმ ჰოსპიტალური სექტორის განვითარების პროექტის ფარგლებში თერჯოლისა და ტყიბულის რაიონებში 2 ახალი სამედიცინო ცენტრი გახსნა. ტყიბულის და თერჯოლის რაიონებში მდებარე დაწესებულებები აღჭურვილია უახლესი აპარატურით, შეესაბამება საერთაშორისო სტანდარტებს და დაკომპლექტებულია მაღალკვალიფიციური მედპერსონალით. თითოეულ სამედიცინო ცენტრში დასაქმებულია 100-მდე ადგილობრივი ექიმი და ექთანი.
დღეიდან, აღნიშნული რაიონის მოსახელეობისთვის საკუთარ ქალაქშივე ხდება ხელმისაწვდომი მაღალხარისხიანი ჰოსპიტალური, ამბულატორიული და პრე-ჰოსპიტალური სერვისები.
აღნიშნული პროექტის ფარგლებში ამ ორი ცენტრის შესაქმნელად სადაზღვევო კომპანია ალდაგი ბისიაიმ 5 მლნ. დოლარის ინვესტიცია განახორციელა.
05.12.2011:
|
